250425【樓市必讀知識 】為何銀行按揭 是你最好朋友？買樓前 一定要看 這期視頻！

1.今日同大家傾一個幾十年都爭論不休的話題：到底租樓好定係買樓好？我知一講買樓，好多人就會話而家樓價好貴，梗係租樓啦，租樓靈活嘛！或者話將個首期拎去投資，回報仲高啦，買樓鎖死啲資金，傻仔先會買！但係想反問一句如果我話你知，連續租樓30年你就會倒蝕咗幾百萬，你信唔信？

2.首先搞清楚一個概念買自住樓同買樓投資，係兩件完全唔同嘅事。好多成日分析樓市嘅人，佢哋係用投資角度去睇。佢哋會計較幾時買入、幾時賣出、回報率有幾高。但如果我哋傾嘅係自住，咁呢間樓對我哋嚟講，係一個家，係一個必需品！

3.跟住大家諗下，當你組織家庭，生兒育女，你面前嘅選擇其實得兩個：一係繼續租樓，一係買樓。當然你可以話返阿媽度住，但當你有工人、有小朋友，你真係可以一世同阿媽一齊住咩？現實啲講你唔係揀買，就會揀租。

4.而拒絕買樓嘅朋友，最鍾意講嘅一個論點就係：我將啲錢拎去投資，用回報交租，一樣得啦！呢個講法理論上係成立嘅。但魔鬼就在操作的細節，呢個投資嘅假設，係建基於你每年嘅投資回報，可以穩定咁高過通脹、高過租金升幅。呢個世界有幾多人可以真係做到每年穩定回報10%？如果你係一個投資高手，咁我恭喜你。但對於我哋絕大部份嘅普通打工仔，返工已經用咗 大半日，仲要日日睇住個市，追升殺跌，到頭來好多人連本金都蝕埋。

5.用按揭計算機發現每個月我哋供樓2萬4，其中包括俾利息1萬5，然後有$9200 實際上會減去貸款本金，即係所謂息除本減嘅按揭貸款模式，呢個模式會令你嘅利息支出不斷減少，譬如五年後實際上只係1萬3 利息，減除本金已經超過一萬蚊，貸款總數已經減咗60萬，幾乎可以頂到樓價下跌一成嘅風險…

歡迎提出簡短問題。🙏😁 

免責聲明：這只是投資經驗分享而並不是任何投資建議，請先咨詢你的投資顧問是否合適你的風險，才作出任何買賣行動，本人恕不負責可能因為市場走勢逆轉而造成的任何損失。我的博文，我的YouTube，我的FB專頁以及新的PATREON專頁，歡迎提出意見、討論及轉載。