260502 美股屢創新高 根本違背經濟常識，到底誰在說謊？誰在幕後推動？

1.當你打開手機，睇下美股個價又創新高。標普500 同納指都好似火箭咁升完再升。但你心入面有冇閃過一個問題：點解經濟消息咁差，股市仲可以不斷破頂呢？如果我問你美股一直創新高，究竟邊個喺度講大話？係政府？係分析員？定係公司自己？定係所有人都願意沉醉喺呢個謊言之中呢？

2.華爾街有個古老諺語：牛市賺錢，熊市賺錢，但豬就要被宰殺！今日我帶你走入美股呢個屠宰場嘅後門，逐個揭開你喺新聞永遠睇唔到嘅謊言。

3.先問一個基本問題：你信唔信官方數字？每當美股創新高，官方就會話：經濟強勁、就業火熱、通脹受控。但你唔覺得奇怪咩？如果經濟真係咁好，啲大企業不斷裁員？第一個可能講大話嘅，就係政府。美國勞工統計局今年二月突然宣布：非農就業總人數比2年之前預估，大幅減少103萬人。即係超過一半原先公布嘅數字，呢個係歷史級別嘅下調。

4.今年三月美聯儲開會後，喺季度報告入面 靜靜雞將今年通脹預期 由2.4%上調到2.7%，留意佢哋唔係大大聲公布，而係寫喺第38頁嘅一個註腳入面。如果通脹受控點解要上調？

5.美國國債已經達到39萬億，即係每個美國人要還11萬美元，數字仲以每年超過1.8萬億嘅速度增長！特朗普一上任就通過大美麗法案，伊朗打仗又要加國防開支到 15000億。打仗要錢，基建要錢，減稅都要錢。錢從邊度嚟？只有兩個方法：印鈔或借債。

免責聲明：這只是投資經驗分享而並不是任何投資建議，請先咨詢你的投資顧問是否合適你的風險，才作出任何買賣行動，本人恕不負責可能因為市場走勢逆轉而造成的任何損失。我的博文，我的YouTube，我的FB專頁以及新的PATREON專頁，歡迎提出意見、討論及轉載。