251220 【樓市必讀知識 】 到底想做【樓奴】定【租奴】？一組數字解答迷思！

1.2018年出視頻當時講香港樓價可能跌一半，直至現在最多跌近3成，唔少人就話樓市見底準備買樓，更多人有理由繼續租樓。無論你係租樓、供緊樓或者等緊買樓，無論住喺香港，美國、加拿大，甚至世界各地，花十幾分鐘時間，九哥同你分享 一個有關買樓同租樓抉擇嘅重要概念，我相信絕大部份人未聽過 呢個概念。可能係一個可以改變你一生嘅知識！

2. 點解咁多人話租好過買？後生仔一計而家租樓萬五蚊，供樓要兩萬，梗係租啦！但呢條數係死數。租金會跟 通脹加，三年加一次，用平均通脹率4% 計十年後已經兩萬二。但供樓呢20年都係供緊兩萬二，如果減息仲可能會供少咗。

3.租樓嘅人多數話 唔想做樓奴，呢個名詞 好情緒化，好似買樓嘅人 俾層樓 綁住好慘咁樣，但租樓 唔通又係 好自由咩？你都會俾人叫做租奴呀！

4.又有人話買樓後要搞呢樣搞嗰樣，好煩喎。係好多嘢，但呢啲係 擁有資產嘅必要成本，同做生意 要交水電煤一樣。但呢啲成本有限，一年拾幾萬蚊管理維修，但層樓升值動輒 幾十萬上百萬。

5.更會有叻仔話 將首期攞去投資股票，回報高過樓市。理論上係，但現實係 有幾多人真係有紀律 同知識，可以年年穩賺5-10%？大部分人就係 財散人安樂。

6.租樓最大嘅敵人係 時間同通脹，你而家覺得租金可以負擔，十年後呢？二十年後呢？你退休後冇收入嘅時候呢？租金係你 一生都要交嘅 保護費，而且金額 只會越來越大。

免責聲明：這只是投資經驗分享而並不是任何投資建議，請先咨詢你的投資顧問是否合適你的風險，才作出任何買賣行動，本人恕不負責可能因為市場走勢逆轉而造成的任何損失。我的博文，我的YouTube，我的FB專頁以及新的PATREON專頁，歡迎提出意見、討論及轉載。