260404 總說“股災來了！” 什麼時候來呀？

1.上星期我出了一條股災來了視頻，一個網友給我今天主題的留言，我當時答他「很多人叫緊救命，你一定沒有重倉啦！」為何我這樣回答？因為如果你有貨，你應該已經感受到那種陰啲陰啲落、升四日唔夠一日下跌的煎熬。你冇貨先會問幾時來，你以為股災是一天跌兩成、好像1987年咁？然後你就可以型爆撈底？但現實是股災從來不是一條直線，它是一個過程，一個你一路看著自己的持倉縮水、又不知道該走還是不走的過程。一個你在高位不願意減倉，到跌了三成才問現在該不該走的過程。

2.很多人看YouTube 是想聽完之後，下個星期就見到股災，然後佢就可以做英雄。但如果你真的做過市場分析，你就知道轉折點是好難捉，但唔代表唔使捉。我在過去一年出過好多條片，標題有股災來了、危機倒數、金融風暴等等，有人話我誇張，甚至話我狼來了，負能量。但我想你看完下面幾個視頻之後，你還會說我是狼來了。

3.前年8月我問微軟會否跌7成？當時微軟$522，之後從高位跌近$200，跌了32%！

去年1月我話微策略比特幣係泡沫之母，MSTR 最高$355，之後最低$104，跌七成！

半年前我話甲骨文同OpenAI的3000億合約係奇蹟定迷局？之後ORCL 股價跌近六成，上面說的算不算是股災？

4.今年2月初講到比特幣同白銀腰斬接近一半，都叫大家小心，我最記得係一月尾同一位網友做私人諮詢，當晚白銀$120 ，我叫她馬上執咗一半先，之後就見到閃崩！

5.話我成日講股災？係，我係成日講。因為真係成日有事。只係大市未跌夠 2成之前，你覺得唔關你事。但如果你揸住微策略、甲骨文、微軟、比特幣，你已經身受其害。股災不是一個全市場一齊跌2成的單一事件，而係一個個板塊、一隻隻股票、一個個泡沫逐一爆破的連鎖反應。

免責聲明：這只是投資經驗分享而並不是任何投資建議，請先咨詢你的投資顧問是否合適你的風險，才作出任何買賣行動，本人恕不負責可能因為市場走勢逆轉而造成的任何損失。我的博文，我的YouTube，我的FB專頁以及新的PATREON專頁，歡迎提出意見、討論及轉載。